రాష్ట్రపతి ప్రణబ్‌

ఎట్టకేలకు సోనియా గాంధీ ప్రణబ్‌ ముఖర్జీని రాష్ట్రపతి అభ్యర్తిగా ప్రకటించారు. అత్యున్నత పీఠంపై అయోమయం తొలగింది. ఈ క్రమంలో మన్మోహన్‌ సింగ్‌ కొనసాగింపుపైనా సందేహాలు తీరినట్టయింది. మొత్తం వ్యవహారంలో అందరికంటే అభాసుపాలైంది మమతా బెనర్జీ.నిజానికి ఆమె ములాయంను కలుసుకుని మూడు పేర్లపై ప్రకటన చేసిన కొద్ది సేపటికే ఆ పార్టీ ఇచ్చిన వివరణ మరో విధంగా వుంది. ప్రణబ్‌ ముఖర్జీ కేవలం కాంగ్రెస్‌ అభ్యర్తిగా గాక ఉమ్మడి ప్రతిపాదనగా వచ్చేట్టయితే పరిశీలించడానికి వామపక్షాలు ముందే సంసిద్దత వ్యక్తం చేశాయి. ప్రస్తుతానికి కలాం పేరు ఇంకా వినిపిస్తున్నా ఆయన విముఖత చూపించవచ్చు. సంగ్మాను నిలబెట్టాలా లేదా అన్నది ఎన్‌డిఎ తేల్చుకోవల్సి వుంటుంది. ఈ విషయంలో మరింత చర్చ జరగవచ్చు గాని ప్రణబ్‌ రాష్ట్రపతి కావడంలో సందేహాలు వుండవు.